ابســــــألــك..
ليــــش الأمانة بالقلوب في زماننا تحتضر
وليــــش المحبة والمودة تنداس بأقدام البشر
وليــــش الصداقـــة ذابلة ومن الخيانة لا مفر
ولامن زرعــت الخيـــر في الدنيا يحاصرك الخطر
ابســــــألــك..
ليــــش ما للحب طعم أو سعادة وأمنيات
ليــــش نبني قلوب عشق مظلمات خاليات
ليــــش ما نروي المشاعر العطاشى الظاميات
ليــــش ما نقضي بألم كل القلوب الخاينه
حتى الممات
ابســــــألــك..
ليــــش نلقى في زماننا جروح وأحزان وهموم
ليــــش التفاؤل والفرح يبقى ثواني ما يدوم
ليش العيون الخايفة
وبعض المشاعر زايفة
ابســــــألــك..
ليــــش دايم ننتظر
لين آخر هالعمر
حتى الصبر
مل واختار السفر
وما بقى إلا الهموم
مكتوبة لك طول الدهر
ابســــــألــك..
دامك الدنيـــا..ابسألك
يمكن ألقى منك جواب
أو يمكن بس أفهمك
أني تعبت من الهموم
وكل جرح من جروحي يعلمك
انه تعود علـى العذاب
ابســــــألــك..
ليــــش في كل ابتسامة ألقى قدامي دموع
وكل دمعة من دموعي تطفي شمعة من الشموع
وليــــش أرحل دام همي هو همي
ما يتغير وما يزول
حتى لو حل الفرح هو ثواني ما يطول
ابســــــألــك..
دامك الدنيا
أكيد عندك جواب
لكل سؤال وكل عتاب
ابســــــألــك..
فهميني..
بس سؤال وصارحيني
كل الناس مثلي
أو أنا وحدي
همومي تسري فيني ؟
جاوبيني.. يا دنيا
كا نك تعرفين الجواب
ليست هناك تعليقات:
إرسال تعليق