كنت ماشي في طريقي ومادريت امشي إلى وين
ودقت الاجراس بابك لو سمحتي تفتحين
في عيوني دمع حاير يشبه دموع الحزين
وفي ضلوعي قلب عانا ظلم ناس جايرين
تسأل دموعي ضميرك لية مني تزعلين
واجبرتني مااسيبك لين اشوفك تضحكين
أسمعي لأغلى حبيب لو تحبي تنصتين
بس ابحكي عن ضروفي لو بغيتي تسمعين
جنبي خطوات رجلك كل منتي تشتهين
كله الا ظلم قلب حبك وبعد ظلمك تندمين
ضاقت بدمعي عيوني يوم جيتي تسألين
ماهقيتك تجهليني يوم جيتي تشككين
احفظي نظرات عينك يكفي فيني تجرحين
واذكري مظلوم ميت قبل لانتي تحاسبين
انحكمت بحكم ظالم وماهقيتك تظلمين
لين شفتك شوف عيني في ضلوعي تطعنين
اجتمعنا في المحبة وفي طريق المعجبين
واسمعي مني صفاتي كان ودك تعرفين
فيني عفة بالمحبة وفيني عشق المغرمين
وفيني كرة للمذله وفيني خوف المؤمنين
ادري ان الغش ماهو من صفات المسلمين
وتدري ان الله بعيني واذكرة في كل حين
مااقولك فيني عادات الصحابة والأئمة الراشدين
او فيني اخلاق الفضيله ظاهرة بأعلى الجبين
بس .. للصدق فيني مكانه وانت خير العارفين
يذهلك في صغر سني كبرياء العاشقين
فيني احساس التسامح في طباع الاولين
وفيني عطف وطيب قلب لانطق صوتي الحزين
في عيوني معنى غامض لو قدرتي تفهمين
كثر مافيني طعون وكثر منتي تعاندين
لو بعيش اذكر طباعي ينشف الحبر الثمين
ولو بعددلك صفاتي ماقدرتي تميزين
تشهد افعالي بكلامي ولو نويتي تنكرين
تشهد حروفي لدربك مادفعها الا الحنين
لو بسامح كل كلمة جرحت قلبي الحزين
مانسيت انك قسيتي يوم جيتي تجرحين
ولو بنسى كل نظرة حطمت فيني الحنين
مانسيت انه تحطم داخلي حلم الحنين
ولو بعيش اذكر كفوفك مثل منتي تذكرين
ماذكرت الا كفوفا عذبت روحي الدفين
ولو قدرت انسى جروحي او قدرتي ترحلين
يصرخ أعظم جرح فيني يسألك لاترحلين
مثل قلبي يوم يصرخ وانتي بيدك تطعنين
ومثل دمعي يوم سال وما قدرتي تمسحين
اذكري احلى صفاتي كان ودك تذكرين
قبل لاترجع ايدينك تطعن بقلبي الحزين
واقبلي من قلب صادق كل حبة والحنين
واذكريني في غيابي لو نويتي ترحلين
ومن نشد وش صار عني وليه كنتي تخاصمين
قولي انك بالمحبة بس كنتي تعاتبين
وان بغيتيني احفظ مكانك لين لحظة ترجعين
من عيوني مابغيتي وكل منتي تامرين
وفي وسط قلبي مكانك لو نويتي ترجعين
مثل ماكنتي بعيني شامخة بروح السجين
وان بعدتي عن عيوني او نويتي تبعدين
اذكريني بكل خطوة في دروب العاشقين
بس لحظة .. قبل تمشي وعن عيوني تختفين
اسمعي اخر عبارة علمتها لي السنين
لو قدرتي تجرحيني صعب غيري تجرحين
ولو لقيتي ناس تنسى فيه ناس حاقدين
ماقصدت اني اقلك مثل منتي تقصدين
ولا قصدت اثير حقدك مثل منتي تحقدين
قصدي اعرفك بنفسي كان باقي تجهلين
ماتبدلني المحبة ومارضيت ابقى رهين
قصدي اعرف بقلبي كان لنـآ تجهلين
ماتبدلني المحبة وماتغيرني السنين
انا لو تبرى جروحي وان بعد عشر سنين
تبقى فيني اثار تشهد يوم جيتي تجرحين
وان بغيتيني اسامح وانسى ايام الانين
لازم انك تفهميني لاطلبتك تفهمين
وان رجعتي عن عنادك او تذكرتي الحنين
لا تحاولي اعلان عذرك بين كل الحاظرين
وان زعلتي من كلامي او نويتي تزعلين
قولي الي كان عين وتعاتب جبين
اعذريني لو عتابي خان بالمعنى الحزين
واعذريني لو بيدني حررت قيد السجين
نادي اسمي لو رجعتي او نويتي ترجعين
لجل اجدد فرش بيتك في وسط قلبي الحزين
بنتظرك بالمطار لين لحظة توصلين
وبنتظرك عند بابك يمكن بلحظة تجين
وان رجعتي ومالقيتي عيني بين الحاظرين
عزي امي في وفاتي وساعديها تسلمين
ومن يقول انك ياعيني في وفاتي لك يدين
قولي انك بس قسيتي يوم جيتي تطعنين
